Sumqayıtda maarifləndirici tədbirlər təşkil olunub.
Sumqayit24.az xəbər verir ki, Fövqəladə Hallar Nazirliyinin (FHN) Dövlət Yanğın Nəzarəti, Kiçikhəcmli Gəmilərə Nəzarət və Sularda Xilasetmə Dövlət xidmətlərinin mütəxəssislərinin də iştirakı ilə Sumqayıt Regional Mərkəzi (RM) tərəfindən “Azərsu” ASC-nin Bağlar Sukanal İdarəsində tədbirlər keçirilib.
Bunlarla yanaşı, Sumqayıt şəhər 2 nömrəli Uşaq Gənclər İnkişaf Mərkəzində və Ceyranbatan qəsəbə Uşaq İncəsənət Məktəbində də maarifləndirmə tədbirləri baş tutub.
Burada fövqəladə halların təsnifatı, ölkəmiz üçün xarakterik olan fövqəladə hallar, o cümlədən yanğınların başvermə səbəbləri və bu zaman zəruri davranış qaydaları barədə ətraflı məlumat verilib, FHN-in “112” qaynar telefon xəttinin təyinatı izah olunub, sularda təhlükəsizliklə bağlı məsələlər diqqətə çatdırılıb və ilkin yanğınsöndürmə vasitələrindən istifadə qaydaları əyani şəkildə nümayiş etdirilib.
Sonda iştirakçıların sualları ətraflı cavablandırılıb.
