FHN-in Sumqayıt Regional Mərkəzi obyekt mülki müdafiə məşqi təşkil edib. Sumqayıt24 bu haqda 25 avqust tarixində Fhn.gov.az-a istinadən xəbər verir.
“Fövqəladə hadisələrin nəticələrinin aradan qaldırılması zamanı mülki müdafiə orqan və qüvvələrinin idarə edilməsinin təşkili” mövzusunda təlim “Azərişıq” MMC-nin Şimal Regional Enerji Təchizatı və Satışı İdarəsində keçirilib.
Məşqə Sumqayıt Regional Mərkəzi, Sumqayıt şəhər Yanğından Mühafizə İdarəsi, Sumqayıt şəhər Təcili Tibbi Yardım Stansiyası, eləcə də Qızıl Aypara Cəmiyyətinin Sumqayıt bölməsinin əməkdaşları, müəssisənin rəhbər və işçi heyəti cəlb edilib.
Onlara təhlükəli ərazidən təxliyə, qəza yerində kəşfiyyatın təşkili, xəsarət alanların qəza zonasından çıxarılması və ilkin tibbi yardımın göstərilməsi bərədə məlumat verilib.
Sonda əldə edilmiş nəticələr müzakirə olunub, aidiyyəti üzrə tapşırıqlar verilib.
