Fövqəladə Hallar Nazirliyinin (FHN) qüvvələri tərəfindən qeyri-sabit hava şəraiti ilə əlaqədar yaranan fəsadların aradan qaldırılması istiqamətində zəruri və təxirəsalınmaz tədbirlər davam etdirilib.
Sumqayit24.az xəbər verir ki, bu barədə FHN məlumat yayıb.
Görülən tədbirlər nəticəsində bir sıra ərazilərdə, o cümlədən Sumqayıt, Bakı şəhərinin ayrı-ayrı istiqamətlərində, Gəncə, Mingəçevir, Şirvan şəhərləri, həmçinin Xaçmaz, Şabran, Qusar, Xızı, Siyəzən və Samux rayonlarında suçəkmə və təxliyə işləri yekunlaşıb.
Əməliyyat nəticəsində su basmış yerlərdə köməksiz vəziyyətdə qalmış, 33-ü uşaq olmaqla, ümumilikdə 135 nəfər vətəndaş təxliyə olunub.
Qeyd edək ki, yaranan fəsadların aradan qaldırılması tədbirlərinə Fövqəladə Hallar Nazirliyinin 450 nəfərə yaxın şəxsi heyəti və 150-yə yaxın texnikası cəlb edilib.
