Fövqəladə Hallar Nazirliyi (FHN) maarifləndirici tədbirlər keçirib. Sumqayıt24 bu haqda 9 sentyabr tarixində xəbər verir.
Qurumun Sumqayıt Regional Mərkəzi tərəfindən Sumqayıt şəhər Stomatoloji poliklinikasında və Xırdalan Ailə Sağlamlıq Mərkəzində maarifləndirmə aparılıb. Tədbirlərdə Dövlət Yanğın Nəzarəti Xidmətinin mütəxəssisləri də iştirak ediblər.
Məqsəd təbii və texnogen xarakterli fövqəladə hadisələrlə bağlı zəruri davranış qaydalarını vətəndaşlara aşılamaqdır.
Tədbirlərdə fövqəladə halların təsnifatı, ölkəmiz üçün xarakterik olan fövqəladə hallar, o cümlədən yanğınların başvermə səbəbləri və bu zaman zəruri davranış qaydaları barədə ətraflı məlumat verilib. Həmçinin FHN-in “112” qaynar telefon xəttinin təyinatı izah olunub, ilkin yanğınsöndürmə vasitələrindən istifadə qaydaları əyani şəkildə nümayiş etdirilib.
Sonda iştirakçıların sualları cavablandırılıb.
