Sumqayıtda “Sərhədsiz incəsənət‘‘ adlı sərgi təşkil edilib. Bu haqda Sumqayıt Regional Mədəniyyət İdarəsi məlumat yayıb.
Sərgi Rəsm Qalereyası və “Əlilliyi olan şəxslərin sosial müdafiəsinə və inteqrasiyasına dəstək” İctimai birliyinin təşkilatçılığı, “İLEG English school” tədris mərkəzi, “SN-TELECOM” və Sumqayıt Perinatal Mərkəzinin TTY şöbəsinin dəstəyi ilə keçirilib. Burada fiziki məhdudiyyətli sənətkarların əl işləri nümayiş olunub.
Qonaqlara Sumqayıt şəhidlərinin şəkli əks olunan xalılar göstərilib. Daha sonra, fiziki məhdudiyyətli sənətkarlara dəstəyin vacibliyindən söz açılıb. Sonda isə qonaqlar həmin sənətkarlara maddi və mənəvi dəstək göstərib.
