Sumqayıt şəhərini əhadə edən “Atalar Məktəbi - Məsuliyyətli Atalığa Doğru” layihəsinin növbəti fazasına start verilir. Bu haqda bu gün, 4 iyun tarixində Azərbaycan Maarifçilər Assosiasiyasına istinadən xəbər veririk.
Məlumata əsasən, layihənin əsas məqsədi gənc ataları və ata olmağa hazırlaşan şəxsləri uşağa qayğı və ev işlərində fəal iştiraka cəlb etməkdir. Bundan əlavə proyekt ailədaxili münasibətlər və ailənin maddi rifahına mənfi təsir edən davranış normaları və gender-əsaslı stereotiplərin dəyişdirilməsinə yönləndirilib.
Layihə Avropa İttifaqının maliyyə dəstəyi ilə həyata keçirilir.
