Yaxın zamanda Gəncə şəhərində avtobuslarda gedişhaqqını “CityCard” nağdsız ödəniş sistemi vasitəsilə ödəmək mümkün olacaq.
“CityCard”lar “Azərpoçt” filiallarında satışa buraxılıb. Kartların balansını “eManat” ödəniş terminallarından, yaxud “CityCard” mobil tətbiqi vasitəsilə artırmaq mümkündür. Yeni sistem şəhərdə fəaliyyət göstərən bütün avtobuslarda tətbiq ediləcək.
Sumqayıt sakinləri, xatırlayırsınızsa, tam 4 il öncə şəhərimizin ictimai nəqliyyatına da validatorlar quraşdırıldı, ödənişlər nağdsız oldu, vətəndaşlara 100 mindən çox kart satıldı…amma, təəsüf ki, bu 1 aydan bir az çox müddət davam etdi.
Sumqayıtın məsul qurumları isə keçən 4 il ərzində dəfələrlə xaricdən yeni apparatların sifariş edildiyini, bir-iki aya gələcəyini bildirsələr də, vədləri hər dəfə yalan çıxıb.
