Sumqayıtda “Azərbaycan Mənim Vətənimdir” layihəsi baş tutub. Sumqayıt24 bu haqda 17 yanvar tarixində xəbər verir.
Tədbir “Azərbaycan Vətənpərvərlər” İB-nin şəhər təşkilatının təşəbbüsü ilə Gənclər Evində keçirilib. Burada əfsanəvi taborun şəhid ailə üzvləri, qazilər və şəhər ictimaiyyəti iştirak ediblər.
Təşkilatın sədri, Xüsusi Təyinatlı Qüvvələrin ehtiyatda olan hərbçisi Mahir Məmmədov tədbir barədə məlumat verib. İştirakçılarla Vətənimiz Azərbaycanın və xalqımızın çoxəsrlik tarixi vərəqlənib.
Sonda hər kəsə prezident seçkilərində fəal iştirak etmək tövsiyə olunub. “Azərbaycan Vətənpərvərlər” İB-nin yeni üzvlərinə vəsiqələr, eləcə də təşəkkürnamələr paylanılıb.
