Sumqayıtda 2 Fevral - Azərbaycan Gəncləri Günü ilə əlaqədar tədbirlər keçirilib. Sumqayıt24 bu haqda Regional Mədəniyyət İdarəsinə istinadən xəbər verir.
6 saylı Folklor klubu və Gənclər İnkişaf Karyera Mərkəzi Sumqayıt nümayəndəliyi Heydər Əliyev Mərkəzində “Gəncliyimiz gələcəyimizdir” adlı konsert proqramı təşkil edib. Gənc ifaçılardan “Azəri Star” musiqi yarışmasının laureatı Fərhad Əkbər, Hüsü Cabbarov, Fidan Mikayılova, Zaur Kərimli və “Endorphine” estrada qrupu bir sıra ifalar nümayiş etdiriblər.
Tamaşaçı qismində tədbirə bir sıra rəsmi qonaqlarla bərabər, Sumqayıt “ASAN xidmət”, Gənclər evi, Qızıl Aypara Cəmiyyəti könüllüləri də qatılıblar.
Sumqayıtın Tarixi Muzeyində isə “Heydər Əliyev və Azərbaycanda gənclər siyasəti” adlı tədbir təşkil olunub. Burada Mərkəzləşdirilmiş Kitabxana Sisteminin direktoru v.m.i.e. Natavan Axundova, Mədəni İrsin Qorunması, İnkişafı və Bərpası üzrə Dövlət Xidmətinin Şabran Regional İdarəsinin əməkdaşı Məhəbbət Qasımova, Sumqayıt Dövlət Universitetinin tələbəsi Leyli Əsgərova, Xidmət Sahələri üzrə Sumqayıt Dövlət Peşə Təhsil Mərkəzinin müəllim və şagirdləri, Sumqayıt Dövlət Universitetinin tələbələri, gənc mədəniyyət işçiləri iştirak ediblər. Onlara “Heydər Əliyev-100” adlı sərgi təqdim olunub.
