“Glassica” QSC daha bir ölkəyə şüşə butulkaların ixracına başlayıb. Sumqayıt24 bu haqda 7 fevral tarixində İqtisadi Zonaların İnkişafı Agentliyinə (İZİA) istinadən xəbər verir.
Sumqayıt Kimya Sənaye Parkının rezidenti olan şirkət ilkin mərhələdə Gürcüstana təqribən 3,5 min ədəddən çox məhsul göndərib.
Qeyd edək ki, “Glassica” QSC tərəfindən Almaniyanın şüşəəritmə texnologiyaları sahəsində 125 illik təcrübəyə malik olan "HORN Glass Industries AG" şirkətinin texnologiyalarının tətbiqi ilə müxtəlif çeşidli rəngli şüşə tara məhsulları (butulka) istehsal olunur.
