Sumqayıt Mərkəzi Uşaq Kitabxanasında Azərbaycanın görkəmli ədəbiyyatşünası F.Köçərlinin 160 illik yubileyi münasibətilə tədbir keçirilib. Sumqayıt24 bu barədə 27 yanvar tarixində “Mədəniyyət Xəbərləri”nə istinadən məlumat verir.
“Elm və ədəbiyyat fədaisi” adlı tədbirdə 1 nömrəli tam orta məktəbin 6-cı sinif şagirdləri iştirak ediblər.
Kitabxananın mütəxəssisi Səbinə Qasımova F.Köçərlinin Azərbaycan uşaq ədəbiyyatının inkişafında mühüm xidmətləri, pedaqoji kadr hazırlığında və ana dilinin saflığı uğrundakı fəaliyyəti haqqında məlumat verib. Əməkdaş “Sözlə tikilən sənət mülkü” adlı sərgi ilə məktəbliləri tanış edib.
Sonra Firidun bəy Köçərlinin “Balalara hədiyyə” kitabından təmsillər, tapmacalar, atalar sözləri, məsəllər, bayatılar, laylalar oxunub.
