H.Z. Tağıyev qəsəbəsində fəaliyyət göstərən məktəb pis vəziyyətdədir. Bu haqda BakuTV-yə istinadən xəbər veririk.
Söhbət 19 nömrəli məktəbdən gedir. 35 illik təhsil müəssisəsinin binası qəzalıdır, sinif otaqlarının çoxunda pəncərə şüşələri taxta parçalarla əvəz olunub. Şagirdlərin sözlərinə görə, məktəbin daxilində vəziyyət daha da pisdir. Bundan əlavə, binanın zirzəmisi 10 ilə yaxındır ki, su ilə doludur.
Məktəb direktoru Pərvanə Ramazanova açıqlamasında bildirib ki, köhnə korpus müəyyən dövrlərdə kosmetik təmir olunsada, əsaslı şəkildə heç vaxt təmir olunmayıb. Bununla bağlı artıq aidiyyəti quruma müraciət olunub.
Təhsil Şöbəsindən verilən məlumata görə isə, bu yaxınlarda Təhsil Nazirliyinin nümayəndələri həmin məktəbə baxış keçirib və lazımi addımlar atılacaq. [modula id="9159"]
