Sumqayıtda “Seliakiya” mövzusunda seminar keçirilib. Sumqayıt24 bu haqda şəhər Tibb Mərkəzinə istinadən xəbər verir.
Maarifləndirici görüş 1 nömrəli şəhər xəstəxanasının poliklinika şöbəsində təşkil edilib. Şöbənin həkim-qastroenteroloqu Həlilə Rəşidova təqdimatla çıxış edib. O bildirib ki, seliakiya müəyyən genlərlə valideynlərdən uşaqlara ötürülən irsi xəstəlikdir. Bir çox hallarda onun diaqnozu uşaq vaxtlarında qoyulur.
Daha sonra Rəşidova xəstəliyin əlamətlərindən, müasir müalicə üsullarından və qəbul edilmiş dünya protokollarından bəhs edib. Sonda həkimləri maraqlandıran suallar cavablandırılıb.
