Sumqayıt 1 nömrəli şəhər xəstəxanasının poliklinika şöbəsində növbəti seminar keçirilib. Bu haqda 16 iyun tarixində şəhər Tibb Mərkəzinə istinadən xəbər veririk.
Görüş "Vəba ocaqları baş verdiyi hallarda tibb müəssisələri tərəfindən əks epidemik tədbirlərin qiymətləndirilməsi" mövzusunda olub. Burada baş həkimlər və həkim-epidemioloqlar iştirak ediblər.
Çıxış edən gigiyena və epidemiologiya mərkəzinin həkim-epidemioloqu Rəna Rzayeva vəba ilə mübarizə tədbirlərinin təşkilindən və bu sahədə aparılan işlərdən danışıb.
Seminarın sonunda dinləyiciləri maraqlandıran suallar cavablandırılıb.
