Sumqayıtda yaşayan uşaqlar “Gənc Yazarlar” layihəsində onlayn iştirak ediblər. Bu haqda Baku.ws-yə istinadən xəbər veririk.
Layihə “PAŞA Holding”in dəstəyi ilə “CARE GROUP” Psixoloji Dəstək Mərkəzi və Pasient Təşkilatları İttifaqı tərəfindən reallaşdırılıb.
Burada, “CARE GROUP” şirkətinin rəhbəri və baş psixoloqu Elnarə Şahbazzadənin dəstəyi ilə, hemofiliyalı və leykemiyalı ümumilikdə 50 uşaq üçün “Art Terapiya” üsulu ilə psixoloji, həmçinin psixoloji durumu yaxşılaşdırmaq və qorxu hissini aradan qaldırmaq üçün təlimlər keçirilib. Qeyd edək ki, bu üsul Dünya təcrübəsinə əsaslanır.
Bundan əlavə, uşaqlarla “Nağıl Terapiyası”da aparılıb. Burada, azyaşlılar öz xəyallarında əks olunan nağılları yazıb. Həmin nağıllar isə öz növbəsində şirkət tərəfindən çap edilərək kitab mərkəzlərinə veriləcək.
Layihəyə həmçinin Gəncə, Ağstafa, İmişli, Füzuli və Cəlilabaddan da uşaqlar qatılıblar.
Qeyd edək ki, uşaqları növbəti bənzər təlimlərdə iştirak etməyə həvəsləndirmək üçün, onlara elektron planşetlər hədiyyə olunub.
