Sumqayıt şəhər Heydər Əliyev mərkəzində Xocalı soyqırımı ilə əlaqədar tədbir keçiriləcək. Bu haqda bu gün, 21 fevral tarixində mərkəz öz Facebook hesabında məlumat yayıb.
“Xocalı ağrısından gələcəyə doğru” adlı tədbir 22 Fevral saat 15:00-da baş tutacaq. Tədbirdə Xocalı sakinləri, yazıçı-kulturoloq, ssenarist Hafiz Ataxanlı, Karyera Mərkəzi könüllüləri iştirak edəcəklər. Həmçinin “Dostluq” mədəniyyət evinin rəsm dərnəyinin üzvlərinin əl işlərindən ibarət sərginin təşkil olunması, bədii qiraət dərnəyinin üzvü Əli Hüseynovun və muğam üçlüyünün tədbirə qatılacaqları gözlənilir.
Tədbir Sumqayıt Regional Mədəniyyət İdarəsinin tabeliyində olan Heydər Əliyev Mərkəzinin və “Dostluq” mədəniyyət evinin birgə təşkilatçılığı ilə baş tutacaq.
