Sumqayıtda peşəkar rəssamların “İz” adlı sərgisi keçirilib. Bu haqda bu gün, 21 aprel tarixində Regional Mədəniyyət İdarəsi məlumat yayıb.
Sumqayıt şəhər Heydər Əliyev Mərkəzində Tofiq Əhmədov, Namiq Cavad, Murad Kərimov, İntiqam Cəfərov və Elçin Qasımovun 50-yə yaxın əsəri sərgilənib. Sərgidə Milli Məclisin deputatı Müşfiq Məmmədli, Sumqayıt Regional Mədəniyyət İdarəsinin rəisi Rəşad Əliyev, Sumqayıt şəhər Gənclər və İdman Baş İdarəsinin rəisi Elgün Hümbətov, Sumqayıt Şəhər İcra Hakimiyyətinin İctimai-siyasi və humanitar məsələlər şöbəsinin müdir müavini Fərman Kazımov, sumqayıtlı rəssamlar, müəssisə və təşkilat rəhbərləri, ziyalılar və KİV nümayəndələri iştirak ediblər.
Maraqla izlənən sərginin sonunda Mədəniyyət İşçiləri Həmkarlar İttifaqı Sumqayıt şəhər Komitəsinin sədri Şahin Şəfiyev rəssamlara Fəxri fərmanlar təqdim edib.
