Fövqəladə Hallar Nazirliyinin Sumqayıt Regional Mərkəzi tərəfindən tədbir keçirilib. Sumqayıt24 bu barədə 27 avqust tarixində qurumun saytına istinadən xəbər verir.
Heydər Əliyev Mərkəzində baş tutan maarifləndirici görüşdə Dövlət Yanğın Nəzarəti Xidmətinin mütəxəssisləri də iştirak ediblər. Burada fövqəladə halların təsnifatı, sel və daşqınlar, yanğınlar, zəlzələ, torpaq sürüşməsi və ölkəmiz üçün xarakterik olan digər fövqəladə hadisələr haqda geniş məlumat verilib. Zəruri təhlükəsizlik tədbirləri barədə ətraflı danışılıb.
Qeyd edək ki, slaydların müşayiəti ilə edilən təqdimatlar zamanı mövzulara dair videoçarxlar da nümayiş olunub.
