Sumqayıtda yeniyetməni avtomobil vurub. Bu haqda bu gün, 28 yanvar tarixində Sumqayıt24-ə məlumat daxil olub.
Məlumata əsasən, qəza günorta saatlarında “Heydər park”ı ərazisində fəaliyyət göstərən musiqi məktəbinin yaxınlığına baş verib. Şahidlərin sözlərinə görə, 14-15 yaşlı qızı yolu keçən zaman maşın vurub. Əraziyə polis əməkdaşları cəlb edilib.
“Dəhşətli səs gəldi, çönəndə gördük ki, qız yerə yıxılıb, tərpənmir”, - deyə hadisənin şahidi bildirib.
