Sumqayıtda vətəndaşlara ödənişsiz hüquqi yardım göstəriləcək. Sumqayıt24 bu haqda Vəkillər Kollegiyasının rəsmi səhifəsinə istinadən xəbər verir.
Aksiya deputatlar Emin Hacıyev, Hicran Hüseynova, Müşfiq Məmmədli və Tahir Mirkişilinin təşəbbüsləri, Vəkillər Kollegiyasının dəstəyi ilə baş tutacaq. 1 saylı, Sumqayıt Regional və "Şimal" Vəkil Bürolarınn vəkilləri hüquqi yardıma ehtiyacı olan aztəminatlı şəxslərə müvafiq köməklik göstərəcəklər.
Yardım aksiyasına Sumqayıt seçki dairəsinin əhatə etdiyi ərazidə yaşayan sakinlər qatıla bilər.
Tarix: 24 iyun;
Vaxt: 11:00;
Məkan: YAP Sumqayıt şəhər təşkilatı.
Vəkillər Kollegiyası tərəfindən əlaqələndirici şəxs: Hüquqi Yardım və Tədris Mərkəzinin direktor müavini Afət Qaziyeva: (012) 594-99-85; (050) 340-09-81).
