Sumqayıtda icbari tibbi sığortadan istifadə edən vətəndaşların sayı məlum olub. Bu haqda 12 sentyabr tarixində Sumqayıt24 STM-ə istinadən xəbər verir.
2021-ci il aprelin 1-dən cari il avqustun 1-dək olan müddət ərzində Sumqayıt Tibb Mərkəzinin tabeliyində olan müəssisələrə 2 milyon 645 min 127 müraciət olub və vətəndaşlara 6 milyon 434 min 957 xidmət göstərilib.
Səhiyyə müəssisələrində gündəlik xidmət sayı 15-20 min arası dəyişir.
Qeyd edək ki, sakinlər icbari tibbi sığorta üzrə Xidmətlər Zərfinə daxil olan bütün tibbi xidmətlərdən burada ödənişsiz istifadə edə bilərlər.
