Sumqayıt şəhər İcra Hakimiyyətinin başçısı Zakir Fərəcov qazinin toyunda iştirak edib. Sumqayıt24 bu haqda İH-nın rəsmi saytına istinadən xəbər verir.
İcra başçısı, “Vətən Müharibəsi Qəhrəmanı” olan İzzət Balacayevə qiymətli hədiyyələr təqdim edib və Prezidentin xoş arzularını çatdırıb.
Baş leytenant Balacayev müharibə zamanı Cəbrayıl, Xocavənd, Kəlbəcər, Füzuli və Şuşanın azadlığı uğrunda gedən döyüşlərdə qəhrəmancasına vuruşub.
O, “Vətən Müharibəsi Qəhrəmanı” adına, “Cəbrayılın azad olunmasına görə”, “Füzulinin azad olunmasına görə”, “Xocavəndin azad olunmasına görə”, “Kəlbəcərin azad olunmasına görə” və “Şücaətə görə” medallarına layiq görülüb. [modula id="11963"]
