Sumqayıt Şəhər İcra Hakimiyyətinin başçısı bir qrup qadını təltif edib. Sumqayıt24 bu haqda 8 mart tarixində Sumqayıt Tibb Mərkəzinə (STM) istinadən xəbər verir.
8 Mart – Beynəlxalq Qadınlar Günü münasibətilə mükafatlandırılanlar arasında 13 tibb işçisi də var. Belə ki, 1 nömrəli Şəhər Xəstəxanasının Nevrologiya şöbəsinin müdiri Vəfa Gəncəliyeva, Uşaq xəstəxanasının Anesteziologiya-reanimatologiya şöbəsinin müdiri Səbinə Hacıyeva, Perinatal Mərkəzin Neonatal reanimasiya və intensiv terapiya şöbəsinin həkim- neanotoloqu Dilarə Axundova, Təcili Təxirəsalınmaz Tibbi Yardım Stansiyasının həkimi Kəmalə Ağayeva, 1 nömrəli Ailə Sağlamlıq Mərkəzinin (ASM) ailə həkimi, terapevt Samirə Məmmədova, 2 nömrəli Ailə Sağlamlıq Mərkəzinin ailə həkimi, pediatr Dilşad Hüseynova, 3 nömrəli Ailə Sağlamlıq Mərkəzinin ailə həkimi, pediatr Rəna Mürşüdova, 5 nömrəli Ailə Sağlamlıq Mərkəzinin ailə həkimi, pediatr Şahnaz Fəttulayeva, 6 nömrəli Ailə Sağlamlıq Mərkəzinin ailə həkimi, terapevt İlahə Babayeva, 7 nömrəli Ailə Sağlamlıq Mərkəzinin ailə həkimi, pediatr Nərmin Novruzova, 4 nömrəli Şəhər Xəstəxanasının Böyük tibb bacısı Nərgiz Hətəmova, Stomatoloji poliklinikanın Böyük tibb bacısı Fəridə Şükürova və Təcili Tibbi Yardım xəstəxanasının tibb bacısı Aygün Əliyeva şəhər rəhbəri Zakir Fərəcov tərəfindən fəxri fərmanlara layiq görülüblər.
