Sumqayıtda 20 Yanvar faciəsinin 33-cü ildönümü ilə bağlı hazırlıq işləri gedir. Sumqayıt24 bu haqda 17 yanvar tarixində İcra Hakimiyyətinə istinadən xəbər verir.
İcra başçısı Zakir Fərəcov tədbirlər planını müşavirə iştirakçılarının diqqətinə çatdırıb. Bildirib ki, bu il də ənənəvi olaraq, Şəhidlər xiyabanında ümumxalq ziyarəti olacaq. Həmçinin 1990-cı ilin yanvar hadisələri zamanı Ceyranbatan qəsəbəsi ərazisində şəhid olmuş sumqayıtlı alimlərin abidəsi də ziyarət ediləcək.
Vurğulanıb ki, Şəhidlər xiyabanı ərazisində güllərdən xüsusi kompozisiyalar hazırlanır, müvafiq tədbirlər görülür.
Müşavirənin sonunda Zakir Fərəcov bu il ərzində görülməsi nəzərdə tutulan işlər haqqında məlumat verib və aidiyyətı qurumların rəhbərlərinə tapşırıqlarını çatdırıb.
