Sumqayıtda İcra Hakimiyyəti yanında İctimai Şuranın iclası keçirilib. Sumqayıt24 bu barədə 30 yanvar tarixində İH-yə istinadən xəbər verir.
Tədbirdə İctimai Şura üzvləri, şəhərdə fəaliyyət göstərən vətəndaş cəmiyyəti institutlarının nümayəndələri, ziyalılar, gənclər və şəhər ictimaiyyətinin nümayəndələri iştirak ediblər. Şuranın sədri Hümbət Quliyev iclas iştirakçılarını salamlayaraq gündəlikdə duran məsələləri səsləndirib və həmin məsələlər üzrə iclas iştirakçılarını müzakirələrə dəvət edib.
O, həmçinin şura üzvləri ilə birgə cari fəaliyyət planı üzrə vətəndaşlar, şəhid ailəsi üzvləri və qazilərlə görüşüb, onların müraciətlərini dinləyib və müraciətlərin aidiyyəti qurumlara yönləndiriləcəyi bildirilib.
Toplantıda cari ilin birinci yarısında görüləcək işlərin planı təsdiq edilib.
