Dələduzluqda təqsirləndirilən Orxan Səmədovun (şərti) işi üzrə məhkəmə istintaqı yekunlaşıb. Sumqayıt24 bu haqda 3 dekabr tarixində Pravda.az-a istinadən xəbər verir.
Hakim Hafiz Əliyevin sədrliyi ilə keçirilən prosesdə ona 6 il 6 ay müddətinə azadlıqdan məhrumetmə cəzası kəsilib. Orxan Səmədov cəzasını ümumi rejimli cəzaçəkmə müəssisəsində çəkəcək.
İttihama görə, həmin şəxs Sumqayıt şəhər icra başçısının 2 nömrəli sahə inzibati ərazi dairəsi üzrə nümayəndəliyində məsləhətçi-mühəndis vəzifəsində işləyib. Bundan istifadə edərək zərərçəkmiş Səfər Əliyevə (şərti) sənədləşməyə aid yalan vədlər verib və ondan 55.000 manat pul alıb. Daha sonra o, həmin puldan 9700 manatı zərərçəkmişə qaytarıb.
Bundan başqa, Orxan Səmədov Vahid Əlişova (şərti) onun arvadını uşaq bağçalarından birinə işə düzəldəcəyini vəd edib. Qarşılığında 6500 manat ələ keçirib və sonra 500 manatı qaytarıb.
