Sumqayıtda inzibati binada vəfat edən Qarabağ əlili ilə bağlı açıqlama verilib. Sumqayıt24 bu haqda 9 iyul tarixində xəbər verir.
Hadisə 2 gün öncə Sumqayıt şəhəri İcra idarəsində baş verib. Borclu olduğu məhkəmə qərarının icrası işi ilə bağlı buraya gələn 60 yaşlı Şahmurad Məmmədovun qəflətən halı pisləşib. Ədliyyə Nazirliyi İnsan hüquqları və ictimaiyyətlə əlaqələr idarəsinin rəisi Aynur Sabitova olanlara aydınlıq gətirib:
"İdarənin əməkdaşları tərəfindən dərhal təcili tibbi yardım briqadası çağırılıb, habelə ona ilkin tibbi yardım göstərilib. Lakin buna baxmayaraq, ürək xəstəliyindən əziyyət çəkən Şahmurad Məmmədovun həyatını xilas etmək mümkün olmayıb. Baş vermiş qəfləti ölümlə əlaqədar Sumqayıt şəhər prokurorluğuna dərhal məlumat verilib və müvafiq araşdırma aparılır. Bildirilir ki, məhkəmə qərarına əsasən, Şahmurad Məmmədovun borcla bağlı ödənişi onun təqaüdünün (1.043 manat) cəmi 25 faizinə yönəldilib. Şahmurad Məmmədov özü hərbçi olub, Birinci Qarabağ müharibəsində iştirak edib”.
