Sumqayıtda keçirilən "İlin ən yaxşı icmalçısı" müsabiqəsi yekunlaşıb. Bu barədə 20 oktyabr tarixində Regional Mədəniyyət İdarəsi xəbər yayıb.
Müsabiqədə Sumqayıt MKS-yə daxil olan kitabxanaların gənc mütəxəssisləri iştirak ediblər. Münsiflər heyəti tərəfindən ilin ən yaxşı icmalçısı Mərkəzi Uşaq Kitabxanasının əməkdaşı Səbinə Qasımova seçilib. İkinci yerə N. Gəncəvi adına Kitabxana klubunun əməkdaşı Lalə Ağayeva və Ə. Vahid adına kitabxana filialının əməkdaşı Seyidə Nəsirova, üçüncü yerə isə M. Ə. Rəsulzadə adına Kitabxana filialının əməkdaşı Leyla Salmanova, Mərkəzi Kitabxananın əməkdaşı Xəyalə Seyidnurova layiq görülüblər.
Onlar Həmkarlar Təşkilatı tərəfindən Fəxri fərman və hədiyyələrlə təltif olunublar.
Qeyd edək ki, Vətən Müharibəsinin ildönümünə həsr olunan müsabiqə S. Vurğun adına Mərkəzi Kitabxanada keçirilib.
