Sumqayıtda musiqi məktəbinin nümayəndələri şəhid ailəsinə baş çəkiblər. Bu haqda 26 oktyabr tarixində Sumqayıt Regional Mədəniyyət İdarəsinə istinadən xəbər veririk.
Bülbül adına 2 nömrəli Uşaq İncəsənət Məktəbinin kollektivi şəhid Elçin Hüseynovun adını daşıyan bulağı ziyarət edib, onun haqqında geniş söhbət aparıb, ailənin qayğıları ilə maraqlanıb, maddi və mənəvi dəstək olub.
Qeyd edək ki, Elçin Hüseynov 1992-ci il sentyabrın 9-da Bakı şəhərində anadan olub. Orta təhsilinə Sumqayıt şəhər 9 saylı məktəbdə başlayıb. 2012-ci ildə Sumqayıt Dövlət Texniki Kollecinin Gömrük işi fakültəsini bitirib.
O, müddətdən artıq həqiqi hərbi xidmət hərbi qulluqçusu kimi kəşfiyyatçı snayper vəzifəsində xidmət edirdi. Vətən müharibəsində dəfələrlə yaralanan Elçin 2 oktyabr 2020-ci ildə “Mübariz” postundan digər posta keçərkən şəhid olub. Oktyabrın 17-də isə Sumqayıt Şəhər Şəhidlər xiyabanında dəfn edilib.
Ölümündən sonra şəhidimiz “Vətən uğrunda”, “Suqovuşanın azad olunmasına görə”, “Vətən müharibəsi iştirakçısı”, “Ağdamın azad olunmasına görə” medalları ilə təltif edilib. [modula id="25823"]
