Sumqayıtda vəkilin intiharı ilə bağlı bəzi detallar üzə çıxıb. Sumqayıt24 bu haqda 6 fevral tarixində BakuTV-yə istinadən xəbər verir.
Hadisə dünən 16-cı məhəllədə baş verib. Sumqayıt Regional Vəkil Bürosunun əməkdaşı, 45 yaşlı Vüsal Mirzəyev özünü yaşadığı həyətdə qaz borusundan asıb. İntiharın səbəbləri bəlli deyil.
Vüsal Mirzəyev üzərindən tapılan əlyazmada ölümündə heç kəsin günahlandırılmamasını qeyd edib. Burada o, ailə üzvlərindən üzr istəyir, bildirir ki, anasının vəfatından sonra yaşamaq çətin olub.
Mərhum vəkilin dostu Xəyal Əliyevin sözlərinə görə, bir neçə gün öncə digər insanın intiharı ilə üzləşən Vüsal hadisəni belə şərh etmişdi: “İnsan özü-özünə necə qəsd edə bilər?”.
Araşdırma aparılır.
