Sumqayıtda tərbiyəçi-müəllimlərin işə qəbulu üzrə müsabiqənin test imtahanı mərhələsi başlayır. Sumqayıt24 bu haqda 18 avqust tarixində Elm və Təhsil Nazirliyinə istinadən xəbər verir.
Məktəbəqədər təhsil müəssisələrinə qəbulun bu mərhələsi 29 avqust tarixində keçiriləcək. Burada, ölkə üzrə ümumilikdə 5488 namizədin iştirakı planlaşdırılır. İmtahanda məzmun və metodikaya aid 40 sual, pedaqoji və psixoloji yanaşmalara aid 20 sual təqdim edilir. Onları cavablandırmaq üçün 120 dəqiqə vaxt ayrılır.
Təlimatla bağlı ətraflı məlumat üçün namizədlərə şəxsi səhifələrinə nəzər yetirmələri tövsiyə olunur.
