Sumqayıt təmsilçisi İslam Abbasov qızıl medala layiq görülüb. Sumqayıt24 bu haqda Güləş Federasiyasının rəsmi saytına istinadən xəbər verir.
87 kq dərəcəsində çıxış edən Yunan-Roma güləşçisi Abbasov, Türkiyənin İstanbul şəhərində təşkil olunan Yaşar Doğu-Vehbi Əmrə-Hamit Kaplan reytinq turnirinə qatılıb. O, ilk öncə özbəkistanlı Nurbek Xaşimbekov və qazaxıstanlı idmançı Umut Davudovu tam üstünlüklə məğlub edib. Yarımfinalda yerli Ali Cengizi 4:1 hesabı ilə üstələyən İslam, finalda Serbiyanı təmsil edən Zurabi Datunaşvili ilə qarşılaşıb.
İslam son saniyələrdə qazandığı xallarla (6:3) turnirin qalibi olub.
