Sumqayıt sakinləri peşə hazırlıq kursunda iştirak edə bilərlər. Bu haqda 29 iyul tarixində Əmək və Əhalinin Sosial Müdafiəsi Nazirliyinə istinadən xəbər veririk.
Dövlət Məşğulluq Agentliyi ilə "4MAPS ACADEMY" MMC-nin birgə əməkdaşlığı nəticəsində “İnformasiya texnologiyaları üzrə texniki dəstək mütəxəssisi” peşəsi üzrə hazırlıq kursu təşkil ediləcək. Təlim 3 ay müddətində davam edəcək. Dərslər onlayn formada həftədə 2 dəfə, 3 saat olmaqla tədris olunacaq.
Təlimdə Türkiyənin peşəkar müəllim-pedaqoji heyəti tərəfindən coğrafiya informasiya sistemlərinin (GİS) əsas tətbiqləri, 3D xəritəçəkmə, şəhərsalmada GİS və s. haqqında ətraflı məlumat veriləcək. Kursu müvəffəqiyyətlə bitirən və işəgötürənin tələblərinə cavab verən şəxslər “Here Technologies” tətbiqinin MDB, Yaxın Şərq və Azərbaycan, “Yandex Maps” tətbiqinin isə Azərbaycan üzrə təmsilçisi olan ”4MAPS Bilgi Teknolojileri” MMC-də işlə təmin olunacaqlar.
Seminara minimum orta təhsilli, 20-29 yaş həddində, işsiz vətəndaşlar müraciət edə bilərlər. Vətəndaşlar avqustun 20-dək şəxsiyyət vəsiqəsi ilə Sumqayıt şəhəri, 9-cu mikrorayon, ev 64 ünvanında yerləşən Abşeron-Xızı Regional Məşğulluq filialına yaxınlaşa bilərlər.
