Sumqayıtda şəhidin vida mərasimi keçirilib.
“Report”un məlumatına görə, Birinci Qarabağ müharibəsində itkin düşmüş hesab olunan şəhid Səfəralı Səfərovun nəşi Sumqayıt şəhərinə gətirilib. Onun Ağdam rayonunun Sırxavənd kəndində tapılan qalıqları ailəsinə təhvil verilib.
Hazırda şəhidlə vida mərasimi keçirilir.
Qeyd edək ki, Səfəralı Alverdi (Allahverdi) oğlu Səfərov 1973-cü il dekabrın 27-də anadan olub. O, 1992-ci il sentyabrın 29-da Ağdam rayonunun Sırxavənd kəndi istiqamətində itkin düşüb.
S. Səfərov Sumqayıt Şəhidlər xiyabanında dəfn olunacaq.
