Sumqayıtda qumar oynayan 4 nəfər saxlanılıb. Sumqayıt24 bu haqda 24 may tarixində Xeberle.com-a istinadən xəbər verir.
Polis əməkdaşları 21 may tarixində "Məz-Məzək" kafesində əməliyyat-axtarış tədbirləri keçirib. Nəticədə kartla qumar oynayan Bakı sakini Ruslan Vəliyev, Ağdaş rayon sakinləri Yusif Yusifov, Nurlan Yusubov və Füzuli rayon sakini Bəhruz Quliyev saxlanılıblar. Onların oturduğu masanın üzərində pul əsginaslarının olduğu müəyyən edilib.
Həmin şəxslər barəsində inzibati qaydada protokol tərtib olunub. Toplanmış material məhkəməyə göndərilib. Verilən qərara əsasən, R. Vəliyev və B. Quliyevin hər biri 3000 manat cərimə olunublar. N. Yusubovun işi aidiyyəti üzrə göndərilib, Y. Yusifov barəsində işə isə xitam verilib.
