Sumqayıtda aparılan qazıntı işlərindən sonra yolun keyfiyyətsiz şəkildə bərpası sakinlərin narazılığına səbəb olub.
Sumqayit24.az-a müraciət edən şikayətçi bildirib ki, bir neçə ay əvvəl Ağa Quliyev və Bakı küçələrinin kəsişməsində yeraltı boruların təmiri ilə əlaqədar qazıntı işləri aparılıb. İşlər başa çatdıqdan sonra ərazi uzun müddət bərpa olunmadan qalıb.
Onun sözlərinə görə, sonradan yol örtüyü tələsik və keyfiyyətsiz şəkildə asfaltlanıb. Nəticədə ərazidə çökəklik yaranıb və bu da nəqliyyat vasitələrinin hərəkətini çətinləşdirir:
"İndi buradan keçən avtomobillərin alt hissəsi yola dəyir, sürücülər maddi ziyanla üzləşirlər".
Sakinlər aidiyyəti qurumlardan sözügedən ərazidə yenidən keyfiyyətli təmir-bərpa işlərinin aparılmasını tələb edirlər.
