Sumqayıtda kiçik bizneslə məşğul olanlara məsləhət xidməti göstərilib. Bu haqda KOB İnkişaf Mərkəzi rəsmi Facebook səhifəsində məlumat yayıb.
Mərkəzin eksperti tərəfindən kiçik bizneslə məşğul olan sahibkar Dəyanət Manafova 3D printer vasitəsilə ehtiyat hissələrinin istehsalı sahəsində biznesin inkişaf imkanları, maliyyə resurslarına çıxış və marketinq qaydalarına uyğun istehsal olunan məhsulların ölkəmizdə tanıdılması istiqamətində məlumat verilib.
Qeyd edək ki, Sumqayıtda bizneslə məşğul olan sahibkarlar ödənişsiz təlim, məsləhət və şəbəkələşmədə dəstək xidmətlərindən yararlanmaq üçün Mərkəzə müraciət edə bilər.
Ünvan: Heydər Əliyev pr. 36-cı məhəllə, “Mərkəz” Plazanın 5-ci mərtəbəsi.
