Sumqayıtda Vətən müharibəsi qazisi ziyarət edilib. Sumqayıt24 bu barədə 2 noyabr tarixində Regional Mədəniyyət İdarəsinə istinadən xəbər verir.
Nizami Gəncəvi adına Kitabxana klubunun əməkdaşları qazi Rövşən İbrahimovun ailəsini ziyarət ediblər. Kollektiv ailənin qayğıları ilə maraqlanıb, onlara maddi və mənəvi dəstək olub. Görüş zamanı qazimiz qonaqlara Vətən müharibəsi dövründə keçdiyi şərəfli döyüş yolundan söz açıb. Sonda xatirə şəkilləri çəkilib.
Rövşən igidlik və şücaət nümayiş etdirdiyinə görə “Suqovuşanın azad olunmasına görə”, “Döyüşdə fərqlənməyə görə” və “Cəsur döyüşçü” medalları ilə təltif edilib.
