Sumqayıtda klassik musiqinin xronologiyası mövzusunda seminar keçirilib. Sumqayıt24 bu haqda bu gün, 23 fevral tarixində Regional Mədəniyyət İdarəsinin Facebook səhifəsinə istinadən xəbər verir.
Seminar Bülbül adına 2 nömrəli uşaq incəsənət məktəbində, nəzəriyyə şöbəsinin müəllimləri Könül Qəniyeva və Züleyxa Ağalarova tərəfindən keçirilib.
Çıxış edən Qəniyeva, barokko dövrünün alman bəstəkarları - Georq Fridrix Hendel və İohann Sebastyan Baxın həyat və yaradıcılığı haqda danışıb. Ağalarova isə həmin dövrün bəstəkarlarının əsərlərini ifa edib.
