Sumqayıtda “Biznesin idarə edilməsi” mövzusunda təlim keçirilib. Sumqayıt24 bu barədə 5 dekabr tarixində KOB İnkişaf Mərkəzinə istinadən xəbər verir.
Seminarda KOBİM-in eksperti biznes proseslərinin təşkili, effektiv və səmərəli biznes modeli üsulları barədə iştirakçılara məlumat verib. 10 gəncin iştirak etdiyi təlimdə performans menecment sistemi, şirkət hədəflərinin təyini və idarəetməyə strateji yanaşma üsulları iştirakçıların diqqətinə çatdırılıb. Sonda mövzu ilə bağlı müzakirələr aparılıb, suallar cavablandırılıb.
