Sumqayıtda “Kapital və hüquqi öhdəliklər” mövzusunda təlim keçirilib. Bu barədə 30 avqust tarixində KOB İnkişaf Mərkəzinə istinadən xəbər veririk.
Təlimdə Sumqayıt KOBİM-in eksperti tərəfindən təsisçi və sahibkarların hüquq və öhdəlikləri, ilkin və dövriyyə kapitalının formaları barədə məlumat verilib. 5 sahibkarın iştirak etdiyi seminarda biznesdə ortaqların hüquqi və iqtisadi tənzimlənmə qaydası, öhdəliklərin təminatı və prosessual hüquq, həmçinin vergi öhdəlikləri barədə danışılıb. Sonda mövzu ilə bağlı müzakirələr aparılıb, suallar cavablandırılıb.
