İcra Hakimiyyəti küçə ticarəti ilə bağlı açıqlama verib. Sumqayıt24 bu barədə 13 avqust tarixində Oxu.az-a istinadən xəbər verir.
Şəhərin Babək küçəsində piyada səkisinin üzərində qanunsuz küçə ticarəti həyata keçirilir. Sakinlər burada rahat hərəkət edə bilmirlər.
“Küçə ticarəti bütün şəhəri zəbt edib. Biz də hərəkət etməkdə çətinlik çəkirik”, - deyə sakin bildirib.
“Mağazada yer azdır, həm də kondisioner olmadığından, ərzaqlar xarab olur. Bu səbəbdən alıcılar mağazanın xaricində alış-veriş etməyə üstünlük verirlər”, - deyə satıcılar söyləyib.
İH-dən bildirilib ki, şəhər ərazisində qanunsuz ticarət hallarına qarşı mübarizə tədbirləri həyata keçirilir. Satıcılarla izahat xarakterli söhbətlər aparılır. Yalnız xüsusi ayrılmış yerlərdə ticarətlə məşğul olmaları onların diqqətinə çatdırılır.
