“Sumqayıt Dəmir Beton-1” ASC-nin səhmdarlarının növbədənkənar ümumi yığıncağı keçiriləcək. Sumqayıt24 bu haqda 2 avqust tarixində Olke.az-a istinadən məlumat verir.
Ləğv prosesində olan şirkətin yığıncağı sentyabrın 9-u saat 12:00-da 18-ci məhəllə, Azərbaycan pr.,145 ünvanında (Məclis Evi) baş tutacaq. Görüşdə ləğvetmə balansının və qalıq əmlakın səhmdarlar arasında bölünməsi planını əks etdirən hesabatın təsdiq olunması müzakirə olunacaq.
Sözügedən şirkət 05.12.2003-cü ildə dövlət qeydiyyatına alınıb və qanuni təmsilçisi Elxan Həmzəyevdir. Nizamnamə kapitalı 185.824 manat olan şirkət Sumqayıt şəhəri, İnşaatçılar küçəsi, 59 (Özbəkistan küçəsi, 1) ünvanında qeydiyyatdadır.
