Əlaqələndirmə Mərkəzi şəhid ailələri və qazilərlə görüş keçirib. Bu haqda bu gün, 28 yanvar tarixində Sumqayıt şəhər İcra Hakimiyyəti məlumat yayıb.
Mərkəzin rəhbəri Gündüz Əliyev görülmüş işlər və qarşıda duran vəzifələr barədə tədbir iştirakçılarına məlumat verib. Onun sözlərinə görə, ötən il şəhər ərazisində şəhid ailəsi, qazilər və müharibə iştirakçısı olan ümumilikdə 1200 şəxsə maddi və ərzaq yardımı olunub. Fiziki məhdudiyyəti olan 34 qazi himayəyə götürülüb.
Görüşdə bir sıra problemlər yerindəcə həll olunub. Bir şəhid övladı 18 yaşına çatana kimi himayəyə götürülüb. Görüş zamanı bir neçə şəxsin məşğulluq məsələsi öz həllini tapıb. Bu müddət ərzində 66 nəfər daimi işlə təmin olunub və 340 nəfər isə özünüməşğulluq proqramına cəlb olunub.
