Almaniyanın Lüdviqshafen şəhərinin nümayəndələri Sumqayıt şəhərinə səfər ediblər. Sumqayıt24 bu barədə 16 noyabr tarixində İcra Hakimiyyətinə istinadən xəbər verir.
Sumqayıtın Dostları Cəmiyyətinin sədri, Lüdviqshafen Ekologiya İdarəsinin rəhbəri Uve Frölix və İdarənin iki əməkdaşı icra başçısı Zakir Fərəcovla görüşüblər. Görüşdə ikitərəfli əlaqələrin müxtəlif aspektləri və qarşılıqlı maraq doğuran sahələrdə əməkdaşlığın perspektivləri barədə fikir mübadiləsi aparılıb.
Qeyd edək ki, bu il Sumqayıt və Lüdviqshafen şəhərlərinin dostluq əlaqələrinin 45, tərəfdaşlıq münasibətlərinin isə 35 ili tamam olur.
