Sumqayıtda 27 yaşlı qadının xəstəxanada ölməsi ilə bağlı açıqlama verilib. Sumqayıt24 bu haqda Lent.az-a istinadən xəbər verir.
Daha öncə, Məryəm Yusifovanın Təcili Tibbi Yardım Xəstəxanasında xəstəliklə bağlı aparılan əməliyyat zamanı dünyasını dəyişdiyi deyilirdi. Lakin xəstəxanadan bu məlumatın yanlış olduğu bildirilib.
Verilən məlumata görə, Yusifova 4 aprel saat 23:30-da sözügedən xəstəxanaya qəbul edilib. Onda hər iki ağciyərin pnevmoniyası və vərəm müşahidə olunurdu. Qəbuldan 6 dəqiqə sonra o vəfat edib. Xəstə heç bir əməliyyat edilməyib. Ölüm səbəbi isə, ağciyər ödemi və ağciyər arteriyasının tromboemboliyası olduğu ehtimal olunur. Meyit təşrih üçün aidiyyəti üzrə göndərilib. Ölümün səbəbi Pataloji Anatomiya və Məhkəmə Tibbi Ekspertizanın rəyindən sonra məlum olacaq.
