Sumqayıtda Vətən müharibəsi şəhidinin xatirəsi yad edilib. Sumqayıt24 bu barədə 26 noyabr tarixində Regional Mədəniyyət İdarəsinə istinadən xəbər verir.
“Dostluq” mədəniyyət evinin kollektivi şəhid Emil İsgəndərovun ailəsini ziyarət edib. Görüş zamanı şəhidin keçdiyi şərəfli döyüş yolundan söhbət açılıb, ailəyə maddi və mənəvi dəstək göstərilib.
Daxili İşlər Nazirliyinin Daxili Qoşunlarının giziri Emil müharibə zamanı Cəbrayılın, Füzulinin və Şuşanın azadlığı uğrunda gedən döyüşlərdə savaşıb. 7 noyabr 2020-ci ildə Şuşa uğrunda gedən döyüşlərdə şəhid olub. Ölümündən sonra “Vətən uğrunda”, ”Şuşanın azad olunmasına görə” və “Hərbi xidmətlərdə fərqlənməyə görə” 3-cü dərəcəli medallarla təltif edilib.
