Mədəniyyət idarələrinin məsul şəxsləri Sumqayıt şəhərində olublar. Bu barədə Musiqi Mədəniyyəti Dövlət Muzeyinə istinadən məlumat veririk.
Səfər “Muzeyi peşəkardan öyrənək” adlı layihə çərçivəsində təşkil olunub. Ziyarətdə Musiqi Mədəniyyəti Dövlət Muzeyinin direktoru, sənətşünaslıq elmləri doktoru, Əməkdar mədəniyyət işçisi Alla Bayramova, muzeyin direktor müavini Təranə Qurbanova, baş mühafiz Sevinc Əliyeva, şöbə müdiri Nigar Xankişiyeva, aparıcı elmi işçi Raminə Məmmədova iştirak ediblər. Tarixi Muzeydə keçirilən təlim-seminarda 11 mədəniyyət müəssisəsindən 27 əməkdaş iştirak edib. Layihənin digər regionlar - Ağstafa və Bərdədə təşkili nəzərdə tutulub.
