Sumqayıtda uşaq musiqi və incəsənət məktəblərinin iclası keçirilib. Sumqayıt24 bu haqda 25 fevral tarixində Sumqayıt Regional Mədəniyyət İdarəsinə istinadən xəbər verir.
İdarənin rəisi Rəşad Əliyev təhsil ocaqlarının kollektivləri ilə görüşüb. İclas ulu öndər Heydər Əliyevin 100 illik yubileyi ilə əlaqədar Birinci Uşaq İncəsənət Festivalının keçirilməsinə, musiqi, incəsənət, rəssamlıq, muğam, aşıq məktəb və mərkəzlərinin müəllimlərinin bilik və bacarıqlarının qiymətləndirilməsinə, həmçinin mədəniyyət müəssisələrinin fəaliyyətinin müasir dövrün tələbləri əsasında qurulması, tabeli müəssisələrdə işə davamiyyət, şəffaflıq və səmərəliliyin artırılmasına həsr olunub.
Sonda müəllimlərin sualları cavablandırılıb, təklifləri dinlənilib. [modula id="32359"]
