Sumqayıtda Mədəniyyət İşçiləri Həmkarlar İttifaqı Respublika Komitəsinin Rəyasət Heyətinin iclası keçirilib. Sumqayıt24 bu haqda 23 iyun tarixində Sumgait.mct.az-a istinadən xəbər verir.
İclas Komitənin Regional Metodiki Mərkəzləri tərəfindən görülən işlərə həsr olunub. İştirakçılar ilk öncə ümummilli lider Heydər Əliyevin abidəsini, Şəhidlər xiyabanı və “Qalib əsgər” heykəlini ziyarət edib. Daha sonra onlar Heydər Əliyev Mərkəzi ilə tanış olublar.
Tədbir zamanı MİHİ Sumqayıt şəhəri Komitəsinin ittifaq üzvləri arasında olan şəhid analarına Təşəkkürnamə və maliyyə vəsaiti təqdim edilib. Həmçinin ittifaq üzvlərinin yubilyarları Fəxri fərman və pul mükafatı ilə təltif olunub. MİHİ Respublika Komitəsi tərəfindən texniki dəstək məqsədilə Qubadlı rayon Komitəsinə notbuk verilib.
Daha sonra Regional Mədəniyyət İdarəsi tərəfindən qonaqlar üçün Dram Teatrında konsert təşkil edilib.
